Monday, November 28, 2011

အစ္စလာမ်ဘာသာဝင်တို့ စဉ်းစားစရာ မေးခွန်းများ [ဖြေဆိုပြီး] - Questions including answers


၁. ကောင်းကင်နှင့်မြေကြီးကို မဖန်ဆင်းခင်က အလ္လာဟ်ရှင် ဘယ်မှာ နေပါသနည်း?

၂. အလ္လာဟ်ရှင် ကို မည်သူဖန်ဆင်း ခဲ့သနည်း? အလ္လာဟ်ရှင် အဖြစ်သို့ ရောက်ရှိလာသည့် အလ္လာဟ်ရှင်၏
အတ္ထုပ္ပတ္တိ ကို ဖော်ပြပါ။

၃. ထာဝရဘုရားလို့ မြန်မာတွေသိနေတဲ့ God နှင့် ဟိန္ဒူဘုရား ဗြဟ္မဏကြီးတို့ကလည်း ဒီကမ္ဘာကြီးကို သူတို့
ဖန်ဆင်းထားတယ်လို့ ပြောနေကြပါတယ် ။ သူတို့ကို ကမ္ဘာပေါ်မှာရှိတဲ့ လူအများစုကလည်း
(အိုဘားမားကြီးအပါအဝင်ပေါ့) ထောက်ခံနေကြပါတယ် ။ ဒီကမ္ဘာအပြားကြီးကို အဲသည် ဖန်ဆင်းရှင်
နှစ်ပါးနှင့် အလ္လာဟ်ရှင် တို့ အတူတူပူးပေါင်းပြီး ဖန်ဆင်းကြတာလား ။ တစ်ပိုင်းစီခွဲပြီး ဖန်ဆင်းခဲ့တာလား ၊
ကိုရန်ကျမ်းစာအထောက်အထားနှင့်တကွ ရှင်းပြပေးပါ ။

၎. မွေးဖွားလာစကပင် တဦးနှင့်တဦး မတူမညီ ဖြစ်ရသည့် အကြောင်းမှန်ကို ရှင်းပြပါ။

၅. အလ္လာဟ်ရှင်သည် ကမ္ဘာကို ဖန်ဆင်းသည်ဟု ဆိုရာတွင် ဘယ်အကျိုးကို မျော်ကိုးပြီး ဖန်ဆင်းပါသနည်း?

၆. ချမ်းသာစေလိုသောကြောင့်ဟု ဆိုပါက ယခု ခန္ဓာရှိသူတိုင်း ဆင်းရဲအမျိုးမျိုး ကြုံတွေ့နေရပါသည် ။
အလ္လာဟ်ရှင် ဖြစ်စေလိုသည့် ချမ်းသာမဖြစ်သည်မှာ အနန္တတန်ခိုးတော် မရှိလို့ ဘာအစွမ်းအစမှ မရှိလို့
ဖြစ်ရသည်ဟု ဆိုပါက ဘယ်လိုပြန်လည် ဖြေရှင်းနိုင်ပါသနည်း?

၇. လူသားတို့ ကြုံနေရတဲ့ ဒုက္ခဆင်းရဲ အမျိုးမျိုး သည် သေချာလေ့လာကြည့်ပါက ခန္ဓာရှိသူတိုင်း
ဒုက္ခမကင်းကြောင်း သေချာပါသည် ။ ဒါကြောင့် လူသားတို့ကို ဖန်ဆင်းသော အလ္လာဟ်ရှင်သည်
ချမ်းသာကိုပေးသလား ။ ဆင်းရဲကိုပေးသလား ဆိုတာ ဖြေကြားပေးပါ။

၈. လူသားတို့ကို မေတ္တာ ဂရုဏာဖြင့် ဖန်ဆင်းသည်ဟု ဆိုပါကမည်သူကမှမလိုချင်မတောင့်တတဲ့ အိုရခြင်း
နာရခြင်း သေရခြင်းဒုက္ခဆိုးကြီးကိုပါဘာကြောင့်ဖန်ဆင်းခဲ့ပါသနည်း? အလ္လာဟ်ရှင်၏ မေတ္တာကို ရှင်းပြပါ။
၉. ခန္ဓာရှိသူတိုင်း ဒုက္ခရှိသည်ဟုလူတိုင်းသိကြပါသည်။သင်ကိုယ်တိုင်လဲဒုက္ခရှိတာငြင်းချက်မရှိ သေချာပါ၏ ။ဒုက္ခဖြစ်စေနိုင်သည့် ဒီခန္ဓာကိုအလ္လာဟ်ရှင်ကဖန်ဆင်းပေးသည်ဟု ဆိုပါက ဒုက္ခဖြစ်ရခြင်း ရင်းမြစ် ဒုက္ခဖြစ်
အောင်ပြုလုပ်သူမှာအလ္လာဟ်ရှင်ပင်ဖြစ်မနေဘူးလား? ကျေးဇူးရှင်ဟုခေါ်မလား? စဉ်းစားပြီးဖြေကြည့်ပါ။

၁ဝ. အလ္လာဟ်ရှင်သာ မဖန်ဆင်းခဲ့လျှင် သင်ဒီဒုက္ခတွေကို တွေ့ကြုံနိုင်ပါသလား? ဒီဖန်ဆင်းရှင်၏
လက်ချက်ကြောင့် မွေးရခြင်းဒုက္ခ စီးပွါးရေး လူမူရေး ပညာရေး ကျန်းမာရေး အိမ်ထောင်ရေး သားရေး
သမီးရေး အိုရေး နာရေး သေရေး ဒုက္ခအစုတို့ ဖြစ်ရသည်မှာ မည်သူငြင်းနိုင်ပါသနည်း။ စဉ်းစားပြီး
သဘာဝကျကျ ငြင်းချက်ထုတ်ပါ။

၁၁. အလ္လာဟ်ရှင်သည် အနန္တမေတ္တာ၊ ဂရုဏာရှင်ဖြစ်ပါလျှက် ဘာကြောင့်လူ့ဘဝကို ကြမ်းတမ်းစေ သနည်း? မအိုမနာ မသေသော ဂျန္နတ်သုခဘုံသို့ အစကတည်းက ဘာကြောင့်မပို့ဘဲ လူသားတို့ကို ဒုက္ခ
ခံစားစေသနည်း? အနန္တမေတ္တာ ဂရုဏာရှင်ဆိုသော စကားနှင့်ကိုက်ညီအောင် သုံးနှုံးဖြေကြားပေးပါ။

၁၃. မွေးခြင်း သေခြင်း ဆင်းရဲခြင်း ချမ်းသာခြင်း ပျော်ရွှင်ခြင်း ကြေကွဲခြင်း စသည့် အရာရာတိုင်းသည်
အလ္လာဟ်ရှင်၏ အလိုတော်အတိုင်း သာ ဖြစ်သည် ဟုဆိုပါက၊ သူတပါး၏ စော်ကားခံရသော
အမျိုးကောင်းသမီးတဦး၏ အဖြစ်ဆိုးသည် အလ္လာဟ်ရှင်၏ အလိုတော် အတိုင်းဟု သဘောသက်ရောက်
ဖွယ်ရှိပေသည် ။ ဒီလိုဆိုပါက အလ္လာဟ်ရှင်၏ ဂရုဏာတော်က မည်သို့နည်း?

၁၅. ဆိုးမိုက်ပြီး မလိမ္မာသော လူယုတ်မာများကို အဘယ်ကြောင့် ဖန်ဆင်းထား ပါသနည်း? သူ့ဟာသူ
ဆိုးမိုက်လာရသည်ဟု ဆိုပါက အနန္တတန်ခိုးတော် ဖြင့် ပြန်လည်ရုပ်သိမ်းလိုက်သင့်ပါသည်။ အဘယ်ကြောင့်
သူဖန်ဆင်းသော လူတွေကို သူမထိန်းသိမ်းနိုင်သနည်း? အလ္လာဟ်ရှင်၏ တန်ခိုးတော်က မည်သို့နည်း?

၁၆. ကိုယ့်ဟာကိုရှာစားပြီး အလ္လာဟ်ရှင်ကျွေးသည်ဟူသောစကား မိမိဘာသာစီးပွါးရှာ၍ ပြည့်စုံခြင်းကို
အလ္လာဟ်ရှင် ပေးသည်ဟူသော အဓိပ္ပါယ်ကို ရှင်းပြပါ။သင် မရှာထားပါက အစားအစာရပါမည်လော။
သင်စီးပွါးမရှာပါက ပြည့်စုံပါမည်လား ။ ထိုသို့ (စားရခြင်း၊ ပြည့်စုံရခြင်းအကျိုးတရားတို့တွင် အလ္လာဟ်ရှင်၏
လုပ်ဆောင်ချက်ရှိပါသလား) ရှိပါက ဖော်ပြပါ။ ကိုယ့်ဟာကိုရှာစားပြီး
တလွဲကျေးဇူးတင်ရာရောက်မနေဘူးလား၊ သဘာဝကျအောင်စဉ်းစားဖြေကြားပေးပါ။

၁၈. အလ္လာဟ်ရှင်သည် ဤကမ္ဘာကို ဖန်ဆင်းသည်ဟုဆို၏။ သို့သော် တခြားတခြားသော စကြာဝဠာ
ဂြိလ်အသီးသီးမှ ဂြိလ်သားများ ဤကမ္ဘာသို့ရောက် ရှိနေခြင်း ရောက်ရှိလာခြင်းတွေကို သိပ္ပံသုတေသနပြု
စာအုပ်များတွင် အထင်အရှား တွေ့မြင်နေရပါသည် ။ ထိုဂြိလ်သားများကို အလ္လာဟ်ရှင်ဖန်ဆင်း ခဲ့သလား ။
ဖန်ဆင်းခဲ့သည်ဆိုပါက ကျမ်းအထောက်အထား ခိုင်လုံစွာဖြင့် ဖြေကြားပေးပါ။

၁၉.သိပ္ပံစမ်းသပ်မှုတွေ၏ တိုးတက်တွေ့ရှိမူတွေ ဖြစ်ပေါ်လာတိုင်း အလ္လာဟ်ရှင်၏ ဖန်ဆင်းရှင်ဝါဒကို
ငြင်းဆန်နေသကဲသို့ သက်ရောက်နေ ပါသည် ။ ထို့ ကြောင့် သိပ္ပံပညာက မှားသည်ဟုပြောမလား ။
ဖန်ဆင်းရှင်ဝါဒ မှားသည်ဟု ပြောမလား။ အဓိပ္ပါယ်ရှိရှိ ငြင်းချက်ထုတ်ပါ။

အရှင်ဝရသာမိ မေးခွန်းထုတ်သည် http://dhammaanalysis.multiply.com/journal/item/9
အစ္စလာမ်ဆန့်ကျင်ရေး Web Site http://anti786.blogspot.com/2010/01/blog-post_12.html မှ။



ရွှေစည်းချိန်

Aung Than Lwin's Answers to Questions About Islam



အစ္စလာမ်ဆန့်ကျင်ရေး [AntiIslam.blogspot.com] Web Site မှ မေးခွန်းထုတ်ထားခြင်းအပေါ် ပြန်လည်ရှင်းလင်းဖြေကြားခြင်း

၁. ကောင်းကင်နှင့်မြေကြီးကို မဖန်ဆင်းခင်က အလ္လာဟ်ရှင် ဘယ်မှာ နေပါသနည်း?
၁. [ဖြေ] - လူသားသည် ပင်ကိုယ်သဘာဝအရ မိမိဘာသာ လွတ်လပ်စွာ ရပ်တည် နိုင်သော သဘောမရှိချေ။ သူ၏ရပ်တည်မှုအတွက် ပတ်ဝန်းကျင်ဖြစ်သော နေ၊ လေ၊ ရေ၊ မြေကြီး စသောအရာများကို မှီခိုရသည်။ နေ၊လေ၊ရေ၊မြေကြီးစသော အရာများသည် မြဲသော သဘောမရှိ။ မမြဲသောအရာများအပေါ်မှီခိုရသော လူသားသည်လည်း မမြဲ။ ထို့ကြောင့် ထာဝရတည်မြဲသော ဘုရားသခင် အလ္လာဟ်ရှင်သည် မမြဲသောနေရပ်တစ်ခု၌ ရှိရမည်ဟု မှတ်ထင်ခြင်းမှာ အကျိုးအကြောင်း မဆီလျော်ချေ။ အချိန်၊ နေရာ (သို့) အာကာသ၊ ကောင်းကင်၊ မြေကြီး စသည်တို့သည် ဖန်ဆင်းခံ သာဖြစ်၏။ သို့ဖြစ်ရာ ဖြစ်တည်စေသူ အလ္လာဟ်ရှင် သည် ဖန်ဆင်းခံတစ်ခုခုအတွင်း၌ ရှိရမည် ဆိုသည်မှာ ယုတ္တိမရှိချေ။ တစ်နည်းအားဖြင့် ကျွန်ုပ်တို့ တွေးခေါ်သော နေရာဌာန၌မရှိ။ ထို့ကြောင့် အလုံးစုံကို ဖန်ဆင်းတော်မူသော အလ္လာဟ်ရှင်သည် မမြဲသောကောင်းကင်နှင့်မြေကြီးအပေါ် မှီခိုမနေဘဲ ယင်းတို့ကို မဖန်ဆင်းခင်ကပင် တည်ရှိနေ၏။

၂. အလ္လာဟ်ရှင် ကို မည်သူဖန်ဆင်း ခဲ့သနည်း? အလ္လာဟ်ရှင် အဖြစ်သို့ ရောက်ရှိလာသည့် အလ္လာဟ်ရှင်၏ အတ္ထုပ္ပတ္တိ ကို ဖော်ပြပါ။

၂. [ဖြေ] - ဖန်ဆင်းခြင်းသည် အလ္လာဟ်ရှင်မှလွဲ၍ စကြဝဠာခပ်သိမ်း၌ မည်သူထံတွင်မှ မရှိသော အရာဖြစ်သည်။ လူသည် တီထွင်မှု (invent) လုပ်သည်။ သို့သော် သူတီထွင် လုပ်ကိုင်သမျှ အရာအားလုံးသည် နိယာမဥပဒေသအားဖြင့် ရှိပြီးသားဖြစ်သည်။လူသည်ဖော်ထုတ် တွေ့ရှိရုံမျှ ဖြစ်သည်။ ဥပမာအားဖြင့် လျှပ်စစ်မီးသီးပြုလုပ်သော နည်းပညာသည် ရှိပြီးသားဖြစ်၏။ အက်ဒီဆင် (Edison) သည် ၎င်းနည်းပညာကို ရှာဖွေတွေ့ရှိသူသာဖြစ်သည်။ ဖန်ဆင်းသူမဟုတ်။ ဗုဒ္ဓသည် သစ္စာတရားကို တွေ့ရှိသူသာဖြစ်သည်။ ဖန်ဆင်းသူမဟုတ်။ ဆိုလိုသည်မှာ ဖန်ဆင်းခြင်း သဘောသည် ဖန်ဆင်းခံတို့နှင့် လုံးဝ ကွဲပြားခြားနားမှု ရှိသည်။ ဖန်ဆင်းရှင် ဟူသည် အကြောင်း အရာအားလုံး၏ အစကနဦးအကြောင်းကို ပြုလုပ်သူ (Creator) ပင်ဖြစ်သည်။ ထို့ကြောင့် ဖန်ဆင်းသူကို ထပ်မံဖန်ဆင်းခြင်းရှိခဲ့ရမည်ဟူသော အတွေးမှာ အဓိပ္ပာယ်မရှိချေ။ ဖန်ဆင်းခြင်း မခံရသူအဖို့ အတ္ထုပ္ပတ္တိ လည်းမလိုချေ။

၃. ထာဝရဘုရားလို့ မြန်မာတွေသိနေတဲ့ God နှင့် ဟိန္ဒူဘုရား ဗြဟ္မဏကြီးတို့ကလည်း ဒီကမ္ဘာကြီးကို သူတို့ ဖန်ဆင်းထားတယ်လို့ ပြောနေကြပါတယ် ။ သူတို့ကို ကမ္ဘာပေါ်မှာရှိတဲ့ လူအများစုကလည်း (အိုဘားမားကြီးအပါအဝင်ပေါ့) ထောက်ခံနေကြပါတယ် ။ ဒီကမ္ဘာအပြားကြီးကို အဲသည် ဖန်ဆင်းရှင် နှစ်ပါးနှင့် အလ္လာဟ်ရှင် တို့ အတူတူပူးပေါင်းပြီး ဖန်ဆင်းကြတာလား ။ တစ်ပိုင်းစီခွဲပြီး ဖန်ဆင်းခဲ့တာလား ၊ ကိုရန် ကျမ်းစာ အထောက်အထားနှင့်တကွ ရှင်းပြပေးပါ ။

၃. [ဖြေ]- ကျမ်းမြတ်ကိုရန်သည် ၎င်းနှင့်ကိုက်ညီသော ရှေးကျမ်းများ၏ အဆိုကို လက်ခံပါသည်။ အကြောင်းမှာ ကိုရန်ကျမ်းသည် ရှေးကျမ်းများကို ထောက်ခံသောကျမ်းဖြစ်သည်။ "…ဤကျမ်းတော်သည် ရှေးကျမ်းတော်များကို ထောက်ခံအတည်ပြု၏။…" (ကျမ်းမြတ်ကိုရန် -အခန်း ၅၊ အပိုဒ် ၄၈)။ "လူမျိုးတိုင်းအတွက် တရားဓမ္မ ဟောကြားသော တမန်တော် တစ်ပါးစီ ရှိ၏။" (ကျမ်းမြတ်ကိုရန် - အခန်း ၁ဝ၊ အပိုဒ် ၄၇)။ လူမျိုးတိုင်းကို သူတို့နှင့် သက်ဆိုင်သော ဘာသာစကားအားဖြင့် တမန်တော်များ စေလွှတ်ခဲ့ခြင်းကြောင့် အသီးတစ်ရာ အညှာတစ်ခုပမာ အလ္လာဟ်ရှင်မြတ်ကိုပင် God ၊ Jehova ၊ Brahman (မဟာဗြဟ္မာ)၊ မိုးနတ်မင်း စသည်ဖြင့် သက်ဆိုင်ရာ ဘာသာစကားဖြင့် ဖော်ပြခြင်းဖြစ်သည်။ ထို့ကြောင့် ဤကမ္ဘာအပါအဝင် စကြာဝဠာခပ်သိမ်းကို အလ္လာဟ်ရှင် တစ်ပါးတည်းက ဖန်ဆင်း ခဲ့ပါသည်။

၎. မွေးဖွားလာစကပင် တဦးနှင့်တဦး မတူမညီ ဖြစ်ရသည့် အကြောင်းမှန်ကို ရှင်းပြပါ။

၎.[ဖြေ]- လူ့လောကတွင် ရုပ်ဆင်းအင်္ဂါ လှပပြည့်စုံသူ၊ ရုပ်ဆင်းအင်္ဂါမပြည့်စုံ ချို့ယွင်းအကျည်းတန်သူ၊ ချမ်းသာသူ၊ ဆင်းရဲသူ၊ ဉာဏ်ပညာကြီးမားသူ၊ ဉာဏ်ပညာနည်းပါးသူ စသည်ဖြင့် ကွဲပြားခြားနားမနေဘဲ အားလုံးသည် တပြေးညီတည်း ချမ်းသာပြည့်စုံနေပါက ကိုယ်ချင်းစာတရား၊ မေတ္တာတရား၊ အကြင်နာတရား၊ ဥပေက္ခာတရား၊ မုဒိတာတရား၊ ဂါရဝတရား၊ အလှူဒါနတရား စသည် များမကျင့်သုံးနိုင်တော့ပါ။ ထိုသို့ အနိမ့်အမြင့် ကွဲပြားခြားနားစွာ ဖန်တီး ထားမှသာလျှင် ထိုတရားမြတ်၊ တရားကောင်းများကို တစ်ဦးအပေါ်တစ်ဦး ကျင့်သုံးနိုင်ပြီး လူသား သည် သူတော်သူမြတ်၊ သူတော်ကောင်းများ ဖြစ်ပေါ်လာနိုင်ပါမည်။ ထိုသို့ဖြစ်ပေါ်လာစေရန် တန်ခိုးတော် အနန္တ၊ ဉာဏ်တော်အနန္တဖြင့် ပြည့်စုံတော်မူသော ထာဝရဘုရားသခင် ဖန်ဆင်းရှင်က လူ့လောက၌ စမ်းသပ်စစ်ဆေးရန် မတူမညီ ကွဲပြားခြားနားစွာ ဖန်တီးထားရခြင်းဖြစ်ပါသည်။

၅. အလ္လာဟ်ရှင်သည် ကမ္ဘာကို ဖန်ဆင်းသည်ဟု ဆိုရာတွင် ဘယ်အကျိုးကို မျှော်ကိုးပြီး ဖန်ဆင်းပါသနည်း?

၅.[ဖြေ]- အလ္လာဟ်ရှင်သည် ပရမတ္ထဖြစ်သည်။ လူသည် အနတ္တဖြစ်၏။ အနတ္တသဘောမှာ ပရမတ္ထအလိုကို နာခံရခြင်း၊ ကိုယ့်အလိုအတိုင်းမဖြစ်ဘဲ သူ့အလိုအတိုင်းဖြစ်ရခြင်းကို ခေါ်သည်။ အလ္လာဟ်ရှင်သည်ကမ္ဘာအပါအဝင် စကြာဝဠာတစ်ခုလုံးကို လူသားအကျိုးအတွက်သာ မျှော်ကိုးပြီး ဖန်ဆင်းတော်မူ၏။ လူသားကို အလ္လာဟ်ရှင်မြတ်အား ကိုးကွယ်ဝတ်ပြုရန် ဖန်ဆင်း တော်မူခြင်း ဖြစ်၏။ တစ်နည်းအားဖြင့် ကမ္ဘာသည် လူ့လောကလူ့ဘုံဖြစ်၍ လူသားမွေးဖွား ရှင်သန်နေထိုင်ရန် ဝတ္ထုပစ္စည်း သယံဇာတအပြည့်အစုံဖြင့် သဟဇာတဖြစ်စွာ အကျိုးပြုသော ဂုဏ်ဒြပ်ရှိသကဲ့သို့ ကမ္ဘာ၏နမူနာကိုယူ၍ လူသားသည် လူသားအချင်းချင်း အပေါ်အကျိုးပြုတတ်ရန် မျှော်ကိုးပြီး ကမ္ဘာကို အလ္လာဟ်ရှင်က ဖန်ဆင်းထားခြင်းဖြစ်ပါသည်။

၆. ချမ်းသာစေလိုသောကြောင့်ဟု ဆိုပါက ယခု ခန္ဓာရှိသူတိုင်း ဆင်းရဲအမျိုးမျိုး ကြုံတွေ့နေရပါသည် ။ အလ္လာဟ်ရှင် ဖြစ်စေလိုသည့် ချမ်းသာ မဖြစ်သည်မှာ အနန္တတန်ခိုးတော် မရှိလို့ ဘာအစွမ်းအစမှ မရှိလို့ ဖြစ်ရသည်ဟု ဆိုပါက ဘယ်လိုပြန်လည် ဖြေရှင်းနိုင်ပါသနည်း?

၆.[ဖြေ]- ခန္ဓာရှိသူတိုင်း အစဉ်အမြဲ ဆင်းရဲအမျိုးမျိုးကြုံတွေ့နေရသည် ဆိုသည်မှာ မမှန်ပါ။ အကောင်းအဆိုးဒွန်တွဲနေသော လောကနိယာမသဘောတရားအရ တစ်ခါတစ်ရံ ဆင်းရဲအမျိုးမျိုး ကြုံတွေ့ရသလို၊ တစ်ခါတစ်ရံ ချမ်းသာသုခများလည်း ကြုံတွေ့ရသည်မှာ လောကဓံတရား (၈) ပါးအရ အထင်အရှားပင်ဖြစ်ပါသည်။ "သည်းခံနိုင်မှ နိဗ္ဗာန်ရ" ဆိုသော ဆိုရိုးစကားအရ ဆင်းရဲဒုက္ခအပေါ် သည်းခံ၍ ကြိုးပမ်းအားထုတ်လျှင် နိဗ္ဗာန်ချမ်းသာကိုပင် ရနိုင်ပါသည်။ ဤနိဗ္ဗာန်ချမ်းသာကို ပေးချင်သော အလ္လာဟ်ရှင်ကပင် အနန္တတန်ခိုးတော်ဖြင့် ဤအသုံးချစရာ ဆင်းရဲဒုက္ခအမျိုးမျိုးနှင့် ချမ်းသာသုခအဖုံဖုံကို ဖန်ဆင်းထားခြင်းဖြစ်သည်။

၇. လူသားတို့ ကြုံနေရတဲ့ ဒုက္ခဆင်းရဲ အမျိုးမျိုး သည် သေချာလေ့လာကြည့်ပါက ခန္ဓာရှိသူတိုင်း ဒုက္ခမကင်းကြောင်း သေချာပါသည် ။ ဒါကြောင့် လူသားတို့ကို ဖန်ဆင်းသော အလ္လာဟ်ရှင်သည် ချမ်းသာကိုပေးသလား ။ ဆင်းရဲကိုပေးသလား ဆိုတာ ဖြေကြားပေးပါ။

၇.[ဖြေ]- မေးခွန်း (၆) အဖြေပါ ဒွန်တွဲနိယာမသဘောအရ လူသားတို့ ကြုံတွေ့နေရတဲ့ ဒုက္ခဆင်းရဲအမျိုးမျိုးနှင့် ချမ်းသာသုခအဖုံဖုံကို သေချာလေ့လာကြည့်ပါက ခန္ဓာရှိသူတိုင်း ဒုက္ခ ဆင်းရဲ အမျိုးမျိုးနှင့်သာ အစဉ်အမြဲကြုံတွေ့နေရခြင်းမဟုတ်သည်မှာ ထင်ရှားသေချာပါသည်။ ခန္ဓာရှိလာရန် ပဋိသန္ဓေယူပြီး မွေဖွားလာရပါသည်။ ကိုယ်ဝန်စလွယ်ပြီဟု သိရသည်နှင့် ဇနီးမောင်နှံတို့သည်၎င်း နှစ်ဖက်သော မိဘ၊ ဘိုးဘွား၊ ဆွေမျိုး၊ မိတ်ဆွေတို့သည်၎င်း ဒုက္ခဟု မမြင်ဘဲ ဝမ်းမြောက်ဝမ်းသာ မင်္ဂလာသတင်းအဖြစ် မှတ်ယူသည်ကို လောက၌ အထင်အရှား တွေ့မြင်နေရပါသည်။ ဒါကြောင့် လူသားကို ဖန်ဆင်းသောအလ္လာဟ်ရှင်သည် ခန္ဓာရှိသူတိုင်းအား လောကီချမ်းသာနှင့် လောကီဒုက္ခဆင်းရဲနှစ်ဖြာကိုပေး၍ ယင်းတို့ကို အကြောင်းခံပြီး လောကုတ္တရာ ကောင်းကျိုးချမ်းသာ နိဗ္ဗာန်ကို ပန်းတိုင်အဖြစ် ပို့ဆောင်ပေးရန်ဖြစ်ပါသည်။ ထို့ကြောင့် လူသားတို့ကို ဖန်ဆင်းသော အလ္လာဟ်ရှင်သည် ချမ်းသာကိုပေးပါသည်။

၈. လူသားတို့ကို မေတ္တာ ဂရုဏာဖြင့် ဖန်ဆင်းသည်ဟု ဆိုပါကမည်သူကမှ မလိုချင်မတောင့်တတဲ့ အိုရခြင်း နာရခြင်း သေရခြင်းဒုက္ခဆိုးကြီးကိုပါ ဘာကြောင့်ဖန်ဆင်းခဲ့ပါသနည်း? အလ္လာဟ်ရှင်၏ မေတ္တာကို ရှင်းပြပါ။

၈.[ဖြေ]- လူသားတို့ကို မေတ္တာ၊ကရုဏာဖြင့် ဖန်ဆင်းသော အလ္လာဟ်ရှင်မြတ်သည် မည်သူကမှ မလိုချင်မတောင့်တတဲ့ အိုရခြင်းနာရခြင်းသေရခြင်း ဒုက္ခဆိုးကြီးများကို ဒွန်တွဲနိယာမ သဘောအရ လူသား နုပျိုစဉ်ကျန်းမာစဉ်ရှင်သန်စဉ် အတွင်း ၎င်းဒုက္ခဆိုးကြီးများကို သည်းခံခြင်း၊ နာခံခြင်း တရားနှလုံးသွင်းစေပြီး နိဗ္ဗာန်ချမ်းသာကို အလ္လာဟ်ရှင်မြတ်၏ မေတ္တာဖြင့် ပို့ဆောင်ရန် ထို အို၊ နာ၊ သေ (၃) ပါးကို ဖန်ဆင်းထားခြင်းဖြစ်ပါသည်။

၉. ခန္ဓာရှိသူတိုင်း ဒုက္ခရှိသည်ဟု လူတိုင်းသိကြပါသည် ။ သင်ကိုယ်တိုင်လဲ ဒုက္ခရှိတာ ငြင်းချက် မရှိသေချာပါ၏ ။ ဒုက္ခ ဖြစ်စေနိုင်သည့် ဒီခန္ဓာကို အလ္လာဟ်ရှင် က ဖန်ဆင်းပေးသည်ဟု ဆိုပါက ဒုက္ခဖြစ်ရခြင်း ရင်းမြစ် ဒုက္ခဖြစ်အောင်ပြုလုပ်သူမှာ အလ္လာဟ်ရှင်ပင်ဖြစ်မနေဘူးလား? ကျေးဇူးရှင်ဟုခေါ်မလား? စဉ်းစားပြီးဖြေကြည့်ပါ။

၉.[ဖြေ]- မေး(၆) အဖြေအရ ခန္ဓာရှိသူတိုင်း ဒုက္ခတစ်ခုတည်းသာ ရှိသည်မဟုတ်ပါ။ ဒွန်တွဲနိယာမ သဘောတရားနှင့် လောကဓံတရား (၈) ပါးတို့အရ ဒုက္ခရော၊ သုခပါ နှစ်ပါး ရှိကြောင်းကို စဉ်းစားဆင်ခြင်တတ်သူတိုင်းသိကြပါသည်။ ဒွန်တွဲနိယာမသဘောအရ ဒုက္ခရော၊ သုခပါ နှစ်ပါး ဖြစ်စေနိုင်သည့် ဤခန္ဓာကို အလ္လာဟ်ရှင်ဖန်ဆင်းပေးထားသည်ဟု ဆိုရာမှာ ဒုက္ခ၊ သုခ နှစ်ဖြာကို အကြောင်းခံ၍ တရားဘာဝနာ ကြိုးပမ်းအားထုတ်လျှင် လောကုတ္တရာ နိဗ္ဗာန် ချမ်းသာကိုပေးရန်ပြုလုပ်သူမှာအလ္လာဟ်ရှင်မြတ်ပင်ဖြစ်နေပါ၍ ကျေးဇူးရှင်ဟုခေါ်ဆိုထိုက်ပါသည်။



၁ဝ. အလ္လာဟ်ရှင်သာ မဖန်ဆင်းခဲ့လျှင် သင်ဒီဒုက္ခတွေကို တွေ့ကြုံနိုင်ပါသလား? ဒီဖန်ဆင်းရှင်၏ လက်ချက်ကြောင့် မွေးရခြင်းဒုက္ခ စီးပွါးရေး လူမူရေး ပညာရေး ကျန်းမာရေး အိမ်ထောင်ရေး သားရေး သမီးရေး အိုရေး နာရေး သေရေး ဒုက္ခအစုတို့ ဖြစ်ရသည်မှာ မည်သူငြင်းနိုင်ပါသနည်း။ စဉ်းစားပြီး သဘာဝကျကျ ငြင်းချက်ထုတ်ပါ။

၁ဝ.[ဖြေ]- အလ္လာဟ်ရှင်သာ မဖန်ဆင်းခဲ့လျှင် ကျွန်ုပ်တို့သည် ဒွန်တွဲနိယာမသဘောနှင့် လောကဓံတရား(၈) ပါးတို့အရ သုခနှင့် ဒုက္ခနှစ်ဖြာ မကြုံတွေ့နိုင်ပါ။အလ္လာဟ်ရှင်၏ ဖန်ဆင်းခြင်း ကြောင့် မွေးဖွားရခြင်း၊ လူဖြစ်ရခြင်း (ဒုလ္လဘ) ရခဲသောလူ့ဘဝကို ရသဖြင့် လူ့ဘဝ ဖြင့်သာ တရားဘာဝနာ ကြိုးပမ်းအားထုတ်၍ နိဗ္ဗာန်ချမ်းသာကိုရနိုင်သောကြောင့် ဝမ်းမြောက်စရာဖြစ် ကြောင်း သဘာဝကျကျ သိရှိနိုင်ပါသည်။

၁၁. အလ္လာဟ်ရှင်သည် အနန္တမေတ္တာ၊ ဂရုဏာရှင်ဖြစ်ပါလျက် ဘာကြောင့်လူ့ဘဝကို ကြမ်းတမ်းစေသနည်း? မအို မနာ မသေ သော ဂျန္နတ်သုခဘုံသို့ အစကတည်းက ဘာကြောင့်မပို့ဘဲ လူသားတို့ကို ဒုက္ခ ခံစားစေသနည်း? အနန္တမေတ္တာ ဂရုဏာရှင်ဆိုသော စကားနှင့်ကိုက်ညီအောင် သုံးနှုံးဖြေကြားပေးပါ။

၁၁.[ဖြေ]- အလ္လာဟ်ရှင်သည် အနန္တမေတ္တာ၊ ကရုဏာတော်ရှင် ဖြစ်သောကြောင့် ဒွန်တွဲနိယာမနှင့် လောကဓံ သဘောတရားအတိုင်း လူ့ဘဝကိုကြမ်းတမ်းသောဘဝနှင့် ချောမွေ့ သော ဘဝအဖြစ်ဖန်တီး၍ မအိုမနာ၊မသေသော ဂျန္နတ်သုခဘုံသို့ပို့ဆောင်ရန် လူသားကို လူ့လောကထဲတွင် ဒုက္ခ၊သုခနှစ်ဖြာခံစား၊ စံစားစေ၍ တရားနှလုံးသွင်းကျင့်သုံးကြိုးပမ်း အားထုတ် စေသော အနန္တမေတ္တာကရုဏာတော်ရှင်ဖြစ်ပါသည်။
၁၂. မေးခွန်းမပါ။

၁၃. မွေးခြင်း သေခြင်း ဆင်းရဲခြင်း ချမ်းသာခြင်း ပျော်ရွှင်ခြင်း ကြေကွဲခြင်း စသည့် အရာရာတိုင်းသည် အလ္လာဟ်ရှင်၏ အလိုတော်အတိုင်း သာ ဖြစ်သည် ဟုဆိုပါက၊ သူတပါး၏ စော်ကားခံရသော အမျိုးကောင်းသမီးတဦး၏ အဖြစ်ဆိုးသည် အလ္လာဟ်ရှင်၏အလိုတော် အတိုင်းဟု သဘောသက်ရောက် ဖွယ်ရှိပေသည် ။ ဒီလိုဆိုပါက အလ္လာဟ်ရှင်၏ ဂရုဏာတော်က မည်သို့နည်း?

၁၃.[ဖြေ]- မွေးခြင်း၊ သေခြင်း၊ ဆင်းရဲခြင်း၊ ချမ်းသာခြင်း၊ ပျော်ရွှင်ခြင်း၊ ကြေကွဲခြင်း စသည့် အရာရာတိုင်းသည် အလ္လာဟ်ရှင်၏ အလိုတော်အတိုင်း သာဖြစ်သည်ဟုဆိုနိုင်သော်လည်း သူတစ်ပါး၏စော်ကားခံရသော အမျိုးကောင်းသမီးတစ်ဦး၏ အဖြစ်ဆိုးသည် အလ္လာဟ်ရှင်၏ အလိုတော် အတိုင်းဟု သဘောသက်ရောက် ဖွယ်မရှိပါ။ အကြောင်းမှာ ဤဘဝ၊နောင်ဘဝတွင် အပြစ်ပေးအရေးယူခံရမည် ဖြစ်သော ဒုစရိုက်ကောင် ငရဲသား၏ ကျူးလွန်မှုကြောင့် အဖြစ်ဆိုး ကြုံရသော အမျိုးကောင်းသမီးအပေါ်တွင် လူကောင်း၊သူကောင်းမှန်သမျှ တို့သည်လည်းကောင်း၊ ပညာရှိ၊သူတော်ကောင်းအပေါင်းတို့သည်လည်းကောင်း များစွာကရုဏာသက်ကြသလို ဘုရားရှင် အလ္လာဟ်ရှင်မြတ်ကလည်း ၎င်းနစ်နာသူ အမျိုးသမီးအပေါ် ကြီးမားသောကရုဏာတော် ဧကန်မုချ သက်ရောက်မည်ဖြစ်ပါသည်။
၁၄. မေးခွန်းမပါ။
၁၅. ဆိုးမိုက်ပြီး မလိမ္မာသော လူယုတ်မာများကို အဘယ်ကြောင့် ဖန်ဆင်းထား ပါသနည်း? သူ့ဟာသူ ဆိုးမိုက်လာရသည်ဟု ဆိုပါက အနန္တတန်ခိုးတော် ဖြင့် ပြန်လည် ရုပ်သိမ်း လိုက်သင့်ပါသည်။ အဘယ်ကြောင့် သူဖန်ဆင်းသော လူတွေကို သူမထိန်းသိမ်းနိုင်သနည်း? အလ္လာဟ်ရှင်၏ တန်ခိုးတော်က မည်သို့နည်း?

၁၅.[ဖြေ]- ဆိုးမိုက်ပြီး မလိမ္မာသော လူယုတ်မာများကို အလ္လာဟ်ရှင်မြတ် ဖန်ဆင်းထားခြင်းမရှိပါ။ အလ္လာဟ်ရှင်မြတ်သည် လူသားတိုင်းကို အရည်အသွေးအပြည့်အဝဖြင့် ဖန်ဆင်းထားပါသည်။ သူ့ဟာသူဆိုးမိုက်လာရသည်ဟုဆိုပါက အနန္တတန်ခိုးတော်ဖြင့် ပြန်လည် ရုတ်သိမ်းသင့်သော်လည်း ထိုသူများအနေဖြင့် သတိနောင်တရ၍ မိမိကိုယ်ကို မိမိပြန်လည် ပြုပြင်ထိန်းသိမ်းနိုင်ခြင်းအလို့ငှာ မဟာကရုဏာတော်ဖြင့် ပြန်လည်မရုတ်သိမ်းဘဲ အချိန်အတိုင်း အတာ တစ်ခုအထိ ပေးထားခြင်းဖြင့် အချို့လူများသည် မိမိကိုယ်ကို မိမိပြုပြင် ထိန်းသိမ်း၍ လူကောင်းသူကောင်းဖြစ်လာသည်ကို အထင်အရှားတွေ့နိုင်ပါသည်။ ဤသည်ပင် အလ္လာဟ်ရှင်၏ ကရုဏာတော်နှင့် တန်ခိုးတော်ဖြစ်ပါသည်။

၁၆. ကိုယ့်ဟာကိုရှာစားပြီး အလ္လာဟ်ရှင်ကျွေးသည်ဟူသောစကား မိမိဘာသာစီးပွါးရှာ၍ ပြည့်စုံခြင်းကို အလ္လာဟ်ရှင် ပေးသည်ဟူသော အဓိပ္ပါယ်ကို ရှင်းပြပါ။ သင်မရှာထားပါက အစားအစာရပါမည်လော။ သင်စီးပွါးမရှာပါက ပြည့်စုံပါမည်လား ။ ထိုသို့ (စားရခြင်း၊ ပြည့်စုံရခြင်း အကျိုးတရားတို့တွင် အလ္လာဟ်ရှင်၏ လုပ်ဆောင်ချက်ရှိပါသလား) ရှိပါက ဖော်ပြပါ။ ကိုယ့်ဟာကိုရှာစားပြီး တလွဲကျေးဇူးတင်ရာ ရောက်မနေဘူးလား၊ သဘာဝကျအောင် စဉ်းစားဖြေကြားပေးပါ။

၁၆.[ဖြေ]- သဘာဝတော၊တောင်၊ရေ၊မြေ၊နေ၊လ၊သစ်ပင်၊သားငါး၊သတ္တု စသည့် ဝတ္ထုပစ္စည်း အခြေခံများကို အလ္လာဟ်ရှင်မြတ် ဖန်တီးပေးထား သည့်အပေါ် အကြောင်းပြုပြီး ကိုယ့်ဟာကိုယ် ရှာဖွေစားသောက်ခွင့် ရခြင်းအကျိုးဆက်သည် အလ္လာဟ်ရှင်မြတ် ကျွေးသည်ဟူသော စကားကို ထောက်ခံရာကျပါသည်။ စား၊ ဝတ်၊ နေ ရေးအတွက် အခြေခံအချက်များကို ဖန်တီးပေးထားခြင်း အပေါ်အမှီပြုကာ မိမိဘာသာစီးပွားရှာခွင့်ရ၍ ဥစ္စာပစ္စည်း ပြည့်စုံလာခြင်း အကျိုးဆက်သည်လည်း အလ္လာဟ်ရှင်ပေးသည် ဟူသော စကားကို ထောက်ခံနေပြန်ပါသည်။ ဖန်တီးပေးထားသော သဘာဝ ဝတ္ထုပစ္စည်းအခြေခံများအပေါ်အမှီပြု၍ ကြိုးစားလုပ်ဆောင်ခွင့်ရခြင်းဖြင့် ရရှိလာသော အစားအစာနှင့် စီးပွားဥစ္စာပြည့်စုံလာခြင်းအကျိုးဆက်သည် အကြောင်းနှင့်အကျိုးကို ဖန်တီးသော အလ္လာဟ်ရှင်မြတ်၏လုပ်ဆောင်ချက်သာ ဖြစ်ပါသည်။ ဘုရားသခင်အလ္လာဟ်ရှင်ဖန်တီးပေးထား သော သဘာဝ ၀တ္ထုပစ္စည်း အခြေခံများအပေါ် အမှီပြုနေရပြီး ကိုယ့်ဟာကိုယ် ရှာဖွေ စားသောက်ခွင့်ရခြင်းသည် ဘုရားသခင် အလ္လာဟ်ရှင်၏ ကျေးဇူးတော်ကို ပေါ်လွင်စေပါသည်။
၁၇. မေးခွန်းမပါ။

၁၈. အလ္လာဟ်ရှင်သည် ဤကမ္ဘာကို ဖန်ဆင်းသည်ဟုဆို၏။ သို့သော် တခြားတခြားသော စကြာဝဠာ ဂြိုလ်အသီးသီးမှ ဂြိုလ်သားများ ဤကမ္ဘာသို့ရောက် ရှိနေခြင်း ရောက်ရှိလာခြင်းတွေကို သိပ္ပံသုတေသနပြုစာအုပ်များတွင် အထင်အရှား တွေ့မြင်နေရပါသည် ။ ထိုဂြိုလ်သားများကို အလ္လာဟ်ရှင်ဖန်ဆင်း ခဲ့သလား ။ ဖန်ဆင်းခဲ့သည်ဆိုပါက ကျမ်းအထောက်အထား ခိုင်လုံစွာဖြင့် ဖြေကြားပေးပါ။

၁၈. [ဖြေ]- အလ္လာဟ်ရှင်သည် ဤကမ္ဘာအပါအဝင် စကြာဝဠာ တစ်ခုလုံးကို ဖန်ဆင်းတော်မူသည့် အရှင်ဖြစ်၏။ သို့သော် အခြားအခြားသော စကြာဝဠာဂြိုဟ်အသီးသီးမှ ဂြိုဟ်သားများ ဤကမ္ဘာသို့ ရောက်ရှိနေခြင်း၊ ရောက်ရှိလာခြင်း တွေကို သိပ္ပံသုတေသနပြု စာအုပ်များတွင် အထင်အရှား ဖော်ပြထားခြင်းနှင့် စပ်လျဉ်း၍ တစ်စုံတစ်ခုသော အရာနှင့် ပတ်သတ်သည့် အသိဉာဏ်ဗဟုသုတ ပြည့်ပြည့်ဝဝမရှိလျှင် ကျွန်ုပ်တို့သည် ယင်းဂြိုဟ်သားများ တည်ရှိခြင်း ( သို့မဟုတ် ) မတည်ရှိခြင်းကို ငြင်းပယ်နိုင်မည်မဟုတ်ပါ။ ထိုဂြိုဟ်သားများ ရှိခဲ့လျှင်လည်း ယင်းအရာများကို အလ္လာဟ်ရှင်မြတ်ပင် ဖန်ဆင်းခဲ့ပါသည်။ ကျမ်းအထောက်အထားအရဆိုလျှင် _

"ချီးမွမ်းခြင်းဟူသမျှသည် အလ္လာဟ်ရှင်မြတ် အဖို့သာဖြစ်၏။ ထိုအရှင်သည် စကြာဝဠာ ကမ္ဘာလောက အပေါင်းကို ဖန်ဆင်းမွေးမြူတော်မူသော အရှင်ဖြစ်တော်မူ၏။" ကျမ်းမြတ်ကိုရန် [ အခန်း ၁၊ အပိုဒ် ၁ မှ]


၁၉.သိပ္ပံစမ်းသပ်မှုတွေ၏ တိုးတက်တွေ့ရှိမူတွေ ဖြစ်ပေါ်လာတိုင်း အလ္လာဟ်ရှင်၏ ဖန်ဆင်းရှင်ဝါဒကို ငြင်းဆန်နေသကဲ့သို့ သက်ရောက်နေ ပါသည် ။ ထို့ ကြောင့် သိပ္ပံပညာက မှားသည်ဟုပြောမလား ။ ဖန်ဆင်းရှင်ဝါဒ မှားသည်ဟု ပြောမလား။ အဓိပ္ပါယ်ရှိရှိ ငြင်းချက်ထုတ်ပါ။

၁၉. [ဖြေ]- သိပ္ပံစမ်းသပ်မှုတွေ၏ တိုးတက်တွေ့ရှိမူတွေ ဖြစ်ပေါ်လာတိုင်း အလ္လာဟ်ရှင်၏ ဖန်ဆင်းရှင်ဝါဒကို ငြင်းဆန်နေသကဲသို့ သက်ရောက်နေသော အချက်များ ရှိသကဲ့သို့ အလ္လာဟ်ရှင်၏ ဖန်ဆင်းရှင်ဝါဒကို ထောက်ခံနေသကဲ့သို့ သက်ရောက်နေသော အချက်များလည်း ရှိပါသည်။ ဥပမာအားဖြင့် သိပ္ပံပညာ၏ တွေ့ရှိချက်တစ်ခုဖြစ်သော Big Bang Theory အရဆိုလျှင် စကြာဝဠာတစ်ခုလုံး မဖြစ်တည်မီ ကြီးမားပြင်းထန်သော ပေါက်ကွဲမှုကြီး တစ်ခုဖြစ်ပေါ်ခဲ့ပြီး အစိတ်အပိုင်းများ လွင့်စင် ပြန့်ကားကာ နေ ၊ လ ၊ ဂြိုဟ်တာရာများသည် အစီအစဉ်အတိုင်း ဖြစ်ပေါ်လာခဲ့သည်ဟုဆိုပါသည်။ ထိုအဆိုကို ကျမ်းမြတ်ကိုရန် အခန်း (၂၁)၊ အပိုဒ် (၃ဝ) တွင် ဤသို့ဖော်ပြထားပါသည်။

"မိုးမြေသည် အစကနဦးက အရာဝတ္ထုတစ်ခုတည်းသာဖြစ်ကြောင်း၊ ထို့နောက်မှ မိုးမြေကို တစ်ခုစီ ငါအလ္လာဟ်ရှင် ခွဲခြားတော်မူကြောင်း၊ ဤအကြောင်းအရာများကို မယုံကြည်သူတို့ မသိကြသလော၊ သူတို့သည် ယုံကြည်ကြမည် မဟုတ်လော" - ကိုရန်ကျမ်းစာ [ ၂၁: ၃၀ ]

ထို့ကြောင့် သိပ္ပံပညာ၏ အချို့သောအဆိုများမှာ တစ်ခါတစ်ရံ အငြင်းပွားတတ်၊ မှားနေတတ်ပြီး နိစ္စထာဝရ ဘဂဝါ ဘုရားသခင် အလ္လာဟ်ရှင်၏ စကားတော်များ ( Words of God ) မှာ ထာဝစဉ် မှန်ကန်နေပါသည်။
[dhammaanalysis.multiply.com] ,
အစ္စလာမ်ဆန့်ကျင်ရေး[AntiIslam.blogspot.com] Web Site မှ။
အောင်သန်းလွင် B.C.Sc (Hons)
အရှင်ဝရသာမိ အင်တာနက်ပေါ်တွင်မေးခွန်းထုတ်၍
မှဖြေကြားသည်။






Extra Common Question



မေး - ဗုဒ္ဓဘာသာ၌ မြတ်စွာဘုရား ဂေါတမရှင် အမှန်တကယ် ဖွားမြင်ပေါ်ထွန်းခဲ့ပြီး (ဥဒ္ဒိဿ) ရည်မှန်းထုလုပ်ထားသော ရုပ်ပွားတော်၊ ဆင်းတုတော်၊ စေတီပုထိုးတော်များကို ဖူးတွေ့ မြင်နိုင်သကဲ့သို့ အစ္စလာမ်ဘာသာ၌ အလ္လာဟ်ရှင်ကို တွေ့မြင်နိုင်ပါသလား။
ဖြေ - အစ္စလာမ် ဘာသာဝင် မူစလင် (Muslim) များကိုးကွယ်သော အလ္လာဟ်ရှင်ကို မတွေ့မမြင်နိုင်ပုံမှာ ဗုဒ္ဓဝင်၌ပါရှိသော နတ်၊ ဗြဟ္မာ၊ သိကြားမင်း၊မြင့်မိုရ်တောင် များ ရှိနေသည်ဟု ယုံကြည်ထားကြသော်လည်း မတွေ့မမြင်နိုင်သကဲ့သို့ပင် ဖြစ်ပါ၏။ သို့ရာတွင် တရားမျက်စိ၊ ဉာဏ်မျက်စိ၊ ဘာဝနာမျက်စိ၊ ဝိပဿနာ မျက်စိများဖြင့် ယင်းတို့ကို တွေ့မြင် နိုင်သကဲ့သို့ပင် ကျမ်းမြတ်ကိုရန်၌ပါရှိသော နိစ္စထာဝရ ဘဂဝါ ဘုရားသခင် အလ္လာဟ်ရှင်ကိုလည်း ယုံကြည်စွာ ဖူးတွေ့မြင်နိုင်ပါသည်။ ထို့ကြောင့်ကျွန်ုပ်တို့အားလုံးသည် အယူမှန်၍ အကျင့်သီလကောင်းကြရပေမည်။


PDF ဖိုင်ဖြင့် ဖတ်ရှူရန် ၊ သိမ်းရန်။
Questions =>
http://www.mediafire.com/view/?g7yl987e3a562q8

Answers =>
http://www.mediafire.com/view/?vjlgldz3ogad43q