ကမ္ဘာကြီးပူနွေးလာခြင်း

       ယနေ့အချိန်ကာလမှာ ကျွနု်ပ်တို့နေထိုင်တဲ့ ကမ္ဘာနဲ့ ဆက်စပ်နေတဲ့ အကြောင်းအရာတစ်ခုကတော့ ကမ္ဘာကြီးပူနွေးလာမှုပဲဖြစ်ပါတယ်။ ကမ္ဘာအနှံ့က ကျွမ်းကျင်သူတွေဟာ ဒီအကြောင်းအရာနဲ့ပတ်သတ်ပြီး သတိပေးလာခဲ့တာဟာ ဆယ်စုနှစ်ပေါင်းများစွာရှိပါပြီ။ သက်ဆိုင်ရာ အစိုးရတွေကိုလည်း ကမ္ဘာကြီးပူနွေးလာမှုနှုန်းလျှော့ချရေးအတွက် တိုက်တွန်းနေခဲ့တာ ကြာပါပြီ။ ကျွမ်းကျင်သူတွေရဲ့ အဆိုအရ နောက်လာမယ့် နှစ်ငါးဆယ်အတွင်းမှာ ကမ္ဘာ့အပူချိန်ဟာ ၂ ဒီဂရီ ဒါမှမဟုတ် ၃ ဒီဂရီထိ တက်လာနိုင်ဖို့ ၇၅ ရာခိုင်နှုန်း အန္တရာယ်ရှိတယ်လို့ သတိပေးထားပါတယ်။ အဲ့ဒါရဲ့ အကျိုးဆက်က အများကြီးထိခိုက်နစ်နာစေနိုင်ပါတယ်။ တကယ်တော့ ၁ ဒီဂရီလောက်ပဲ အပူချိန်တက်မယ်ဆိုရင်တောင် ဂရင်းလန် ရေခဲပြင်ကြီးတွေကို အရည်ပျော်ကျသွားစေနိုင်ပြီး မော်လဒိုက်ဗ် လို ကျွန်းနိုင်ငံငယ်လေးတွေကို လုံးဝနစ်မြုပ်သွားစေနိုင်ပါတယ်။ အကယ်၍ ၃ ဒီဂရီထိ အပူချိန်တက်ခဲ့မယ်ဆိုရင် အမေဇုံ မုတ်သုန်တောတွေလိုမျိုးကို ဖျက်စီးပစ်နိုင်ပြီး မျိုးသုန်းပျောက်ကွယ်မယ့် အန္တရာယ်နဲ့ ကြုံတွေ့နေရတဲ့ မျိုးစိတ်တွေထဲက တစ်ဝက်လောက်ဟာ ပျောက်ကွယ်သွားပါလိမ့်မယ်။ ဒါ့အပြင် ရာသီဥတုပြောင်းလဲမှုရဲ့ အကျိုးဆက်အဖြစ်နဲ့ ကောက်ပဲသီးနှံတွေကို များစွာ ပျက်စီးစေပါလိမ့်မယ်။

   ကမ္ဘာ့ရာသီဥတုဟာ အပူနဲ့အအေး လှည့်ပတ်မှုတွေက တစ်ဆင့် လည်ပတ်ပြောင်းလဲနေတယ်ဆိုပေမယ့် စိတ်ပူစရာကောင်းတဲ့ အချက်က ယခုပြောင်းလဲနေတဲ့နှုန်းက ကမ္ဘာမြေရဲ့ နောက်ဆုံးလည်ပတ်မှုတွေ အဖြစ်ပြောင်းလဲသွားနိုင်လို့ပါပဲ။ နည်းပညာတိုးတက်လာမှုကြောင့် ပလပ်စတ်၊ လေကြောင်းသွားလာမှု၊ အစားအစာ ဈေးသက်သာလာမှု စတဲ့ အကျိုးကျေးဇူးတွေရလာပေမယ့် အလွန်အကျွံ ထုတ်လုပ်ပြီး အလွန်အကျွံသုံးစွဲမှုတွေက သဘာဝရဲ့ ဟန်ချက်ညီမျှမှုကို မဖျက်စီးစေရန်အတွက် ထိန်းသိမ်းဖို့ကလည်း အရေးကြီးပါတယ်။

   အစ္စလာမ်သာသနာမှာ လူသားကို ထာဝရဘုရားရှင်က ကမ္ဘာမြေကို ယုံကြည်အပ်နှံမှုတာဝန်ကို

ပေးထားပါတယ်။ ဒီတာဝန်ဟာ ကြီးလေးလှတဲ့ တာဝန်လည်းဖြစ်ပါတယ်။ အတိတ်ကာလမှာ လူသားဟာ အလွန်အကျွံတောခုတ်ထွင်ခြင်း၊ စိုက်ပျိုးခြင်း စတာတွေဟာ သူ့ရဲ့ရှင်သန်မှုကို ပျက်စီးစေနိုင်တာကို သတိထားမိတဲ့အတွက် သူ့ရဲ့အနီးပတ်ဝင်းကျင်ကို ဘယ်လိုထိန်းသိမ်းစောင့်ရှောင့်ရမလဲဆိုတာကို သတိထားပါတယ်။ သူ့ရဲ့ အသိဉာဏ်ဟာလည်း အကန့်အသတ်ဖြင့်သာ ရှိနေခဲ့ပါတယ်။ မသိလို့ဘဲ ဖြစ်ဖြစ် လွဲမှားစွာ အသုံးချမိလို့ပဲဖြစ်ဖြစ် ဘေးအန္တရာယ် တစ်ခုခုကျရောက်လာတဲ့အခါမှာ အခြားတစ်နေရာကို ပြောင်းပြီးတော့ အသစ်ပြန်လည်စတင်နိုင်ပါတယ်။ ယခုအခါမှာတော့ ကျွနု်ပ်တို့ဟာ မသိနားမလည်ဘူးဆိုတဲ့ ဆင်ခြေပေးလို့မရတော့ပါဘူး။ လွဲမှားစွာ အသုံးမချမိဖို့အတွက် အတိတ်ကနေ သင်ခန်းစာယူကြရပါမယ်။ စိုးရိမ်ပူပန်စရာကတော့ ကျွနု်ပ်တို့အပြုအမူတွေရဲ့ အကျိုးသက်ရောက်မှုဟာ

နေရာဒေသတစ်ခုတည်းနဲ့ သက်ဆိုင်တာမျိုးမဟုတ်တော့ဘဲ ကမ္ဘာတစ်ခုလုံးနဲ့ ဆက်စပ်လာတာပါပဲ။ ကျွနု်ပ်တို့ဟာ တာဝန်သိသိနဲ့ အသိစိတ်ဓာတ်ရှိရှိ ပြုလုပ်ဖို့ ပျက်ကွက်မယ်ဆိုရင် အရင်ကလို လွယ်လွယ်ကူကူနဲ့ နေရာပြန်ချဖို့ မဖြစ်နိုင်တော့ပါဘူး။ အကြောင်းက ကျွနု်ပ်တို့အတွက် သွားစရာနေရာ မရှိတော့လို့ပဲဖြစ်ပါတယ်။ ဒါ့ကြောင့် ထုတ်လုပ်သူတွေ၊ ဖြန့်ဖြူးရောင်းချသူတွေ၊ စားသုံးသူတွဖြေစ်တဲ့ ကျွနု်ပ်တို့ဟာ ကျွနု်ပ်တို့ လုပ်ဆောင်ချက်တိုင်းရဲ့ အတိုင်းအတာ အကျိုးသက်ရောက်မှုတွေကို

လေးလေးနက်နက် တွေးတောစဉ်းစားရမှာဖြစ်ပါတယ်။ ဒီတာဝန်တွေဟာ အရှေ့ရယ် အနောက်ရယ်လို့ ခွဲခြားရမှာမဟုတ်ဘဲ အားလုံးနဲ့ သက်ဆိုင်တဲ့ တာဝန်တွေပဲဖြစ်ပါတယ်။

     အစ္စလာမ်သာသနာမှာ သင်ပြတာက ထာဝရဘုရားသခင်ဟာ ကျွနု်ပ်တို့ကို အတိတ်ကာလမှာ မြောက်မြားစွာသော သယံဇာတတွေပေးထားခဲ့သလို အနာဂတ်ကာလမှာလည်း အမြောက်အများပေးကမ်းလိမ့်မယ်လို့ ဆိုထားပါတယ်။ ဒါပေမယ့် လူသားရဲ့ လွဲမှားစွာ အသုံးပြုမှုတွေက ဒီဟန်ချက်ညီမျှမှုကို ပျက်စီးစေနိုင်ပါတယ်။ တကယ်လို့ လူသားဟာ ဒီသယံဇာတတွေကို အချည်းအနှီး ဖြုန်းတီးပစ်ပြီး လိုအပ်တဲ့ တခြားသူတွေ သုံးစွဲခြင်းမှ ကင်းဝေစေမယ်ဆိုရင် ဒါဟာ သူ့ရဲ့ (လူသားကိုယ်တိုင်ရဲ့) ကံမကောင်း အကြောင်းမလှမှုပဲဖြစ်ပါတယ်။ ကိုရ်အာန်ကျမ်းစာမှာ လာရှိတာက ...

" အို အာဒမ်၏ သားမြေးအပေါင်းတို့ ..... စားကြကုန်၊ သောက်ကြကုန်။ သို့သော် အတိုင်းထက် မလွန်ကျူးကြစေနှင့်။ စင်စင် အရှင်မြတ် (ထာဝရဘုရားရှင်) သည် လွန်ကျူးသူများကို နှစ်သက်တော်မူခြင်းမရှိပေ။ " ( ကိုရ်အာန်ကျမ်းစာ အခန်းကြီး ၇ အခန်းငယ် ၃၂ )

      အစ္စလာမ်သာသနာရဲ့ အနှစ်ချုပ်သတင်းစကားကတော့ သင့်တင့်မျှတဲ့ အလယ်အလတ်လမ်းစဉ်ကို ကျင့်သုံးဖို့အကြံပေးပြီး ညီညွတ်မျှတမှုကို တိုးမြှင့်ဖို့ပဲဖြစ်ပါတယ်။ အစ္စလာမ်က ကျွနု်ပ်တို့ရဲ့ တိုးတက်မှုအတွက် ကမ္ဘာမြေရဲ့ သယံဇာတတွေကို သုံးစွဲဖို့ လက်ခံပါတယ်။ ဒါပေမယ့် အဲ့ဒါဟာ အသိဉာဏ်ရှိရှိ ထိန်းထိန်းသိမ်းသိမ်းနဲ့ အသုံးချတာမျိုးဖြစ်ရပါမယ်။ ဒါမှသာလျှင် သင့်တော်တဲ့ အနေအထားတစ်ခုကို မြင်တွေ့ရမှာဖြစ်ပါတယ်။ ကိုရ်အာန်ကျမ်းစာမှာ ဖော်ပြတာက ......

" ထိုသူများ ..... သူတို့သည် အသုံးအဖြုန်းကြီးသူများလည်းမဟုတ်၊ စေးနည်းကြသူများလည်း မဟုတ်။ သူတို့သည် သင့်တင့်စွာသုံးစွဲကြသူများဖြစ်ကြပေ၏။ " လို့ဆိုထားပါတယ်။ ( ကိုရ်အာန်ကျမ်းစာ အခန်းကြီး ၂၅ အခန်းငယ် ၆၈ )

 

 ဒီအတွက်ကြောင့်ကျွနု်ပ်တို့ တစ်ဦးတစ်ယောက်ချင်းစီဟာ ကိုရ်အာန်ကျမ်းစာရဲ့ ညွှန်ကြားချက်ကို လိုက်နာပြီး ဟန်ချက်ညီမျှမှုကို ထိန်းသိမ်းကာ အလွန်အကျွံကိစ္စရပ်များမှ ရှောင်ရှားသင့်ပါတယ်။ တိုင်းပြည်တွေအနေနဲ့ကလည်း ကျွနု်ပ်တို့နေထိုင်တဲ့ ကမ္ဘာမြကြေီးကို ငဲ့ညှာပြီး မိမိအကျိုးစီးပွား တစ်ခုတည်းသာမကြည့်ဘဲ ကိုယ်ပိုင်တာဝန်သိစိတ်ရှိရှိနဲ့ အချင်းချင်း စုပေါင်း ပူးပေါင်း ဆောင်ရွက်ကြဖို့၊ အသိဉာဏ်ဗဟုသုတတွေ ဖြန့်ဝကြေဖို့လိုအပ်ပါတယ်။ ယခုလိုပြုလုပ်မယ်ဆိုရင်တော့ ကျွနု်ပ်တို့ဟာ ထာဝရဘုရားသခင်ရဲ့ ကျေနပ်နှစ်သက်မှု၊ လက်ရှိ နဲ့ နောင်အနာဂတ်မျိုးဆက်တွေအတွက် ကျွနု်ပ်တို့ကို ပေးအပ်ထားတဲ့ ယုံကြည်စိတ်ချရမှုကို ရရှိနိုင်ပါလိမ့်မယ်။

အောင်သန်းလွင် B.C.Sc (Hons)

Source: www.Understand-Islam.org

အင်္ဂလိပ်ဘာသာဆောင်းပါးမှ ဆီလျှော်အောင်ဘာသာပြန်ဖော်ပြသည်။

ဆင့်ကဲဖြစ်စဉ်

 Evolution

 ဆင့်ကဲဖြစ်စဉ်

ချားလ်စ် ဒါဝင်

ဘာသာတရားတွေအပေါ်နောက်ထပ်ထိုးနှက်တိုက်ခိုက်မှုတစ်ခုကတော့ ဆင့်ကဲဖြစ်စဉ်ပဲဖြစ်ပါတယ်။ ဒီစဉ်းစားရကြပ်လှတဲ့ ရှုပ်ထွေးမှုကို ဖြေရှင်းပြီးသွားပြီလို့ သိပ္ပံပညာရှင်တွေက ပြောကြပါလိမ့်မယ်။ ဒါ့အပြင် ဒါဝင်ရဲ့ သီအိုရီကိုထောက်ခံပြီးတော့ လူသားတွေဟာ မျောက်ဝံလိုအကောင်မျိုးကနေ ဆင့်ကဲဖြစ်ထွန်းလာတယ်လို့လည်းပြောကြပါဦးမယ်။ ဒါပေမယ့် နှစ်ပေါင်းတစ်ရာကျော်သွားခဲ့ပါပြီ ဒါဝင်ရဲ့သီအိုရီကို မည်သူမျှသက်သပြေနိုင်ခြင်းမရှိခဲ့ပါဘူး။

 ကိုရ်အာန်ကျမ်းစာက လူသားဟာများစွာသောအဆင့်တွေကို တစ်ဆင့်ပြီးတစ်ဆင့်တက်ရင်း ဆင့်ကဲဖြစ်ထွန်းလာတယ်ဆိုတဲ့ အမြင်ကိုတော့ လက်ခံပါတယ်။ ဒါပေမယ့် ကျွနု်ပ်တို့ဟာ မျောက်ဝံလိုအကောင်မျိုးကနေ ဖြတ်သန်းပြောင်းလဲလာတယ်ဆိုတဲ့အမြင်မျိုးကိုတော့ လုံးဝလက်မခံပါဘူး။ ကျမ်းမြတ်ကိုရ်အာန်ကထောက်ခံတင်ပြတဲ့အမြင်ကတော့ လူသားဟာ သီးခြားမျိုးစိတ်အဖြစ်နဲ့ တစ်ခုသော ဆဲလ်အဆင့်ကနေပေါက်ဖွားလာခြင်းပဲဖြစ်ပါတယ်။ ထိုနည်းတူစွာပဲ ကိုရ်အာန် ကျမ်းတော်က ကျွနု်ပ်တို့ကိုအသိပေးတာက တမန်တော် အာဒမ် ဟာ ပထမဆုံးလူသားမဟုတ်ဘဲ ပထမဆုံးသော တမန်တော်သာဖြစ်တယ်လို့အသိပေးထားပါတယ်။ 

(ကိုရ်အာန်ကျမ်းစာ အခန်းကြီး ၂ အခန်းငယ် ၃၁ မှာဖတ်ရှုနိုင်ပါတယ်။)

မတော်တဆလား ကြိုတင်စီမံထားမှုလား 

လူသားရဲ့ဖွံ့ဖြိုးတိုးတက်မှုဟာ မျိုးဗီဇဆိုင်ရာပြောင်းလဲဖြစ်ပေါ်ခြင်း (mutation) ကြောင့်ဖြစ်တယ်လို့ တစ်ချို့သိပ္ပံပညာရှင်တွေက ယူဆကြပါတယ်။ ဂျေမိုနော့ဒ် ပြောသလိုဆိုရင်တော့ … 

“ ဆင့်ကဲ့ဖြစ်စဉ်ရဲ့ မူလအစဟာ D.N.A ပုံစံထဲမှာဖြစ်ပွားခဲ့တဲ့ အခန့်မသင့်မတော်တဆ ဖြစ်မှုပဲဖြစ်ပါတယ်။” အဲ့ဒါကိုပဲ Mutation မျိုးဗီဇဆိုင်ရာပြောင်းလဲခြင်းလို့ သိကြတာပါပဲ။

 ဒီသီအိုရီကိုပဲ များစွာသော သိပ္ပံပညာရှင်တွေက ငြင်းပယ်ကြပြန်တယ်။ သူတို့ထဲကတစ်ဦးဖြစ်တဲ့ ရုပ်ဝါဒီ ရှရှားဇီဝဗေဒပညာရှင်ဖြစ်သူ အော်ပရင်း (Oparine) ဆိုသူက သက်ရှိဖြစ်ထွန်းခြင်းမှာ အမှတ်တမဲ့ကံအားလျှော်စွာ ဖြစ်တယ်ဆိုတဲ့ သီအိုရီကို ပွင့်လင်းစွာပဲ ငြင်းပယ်ပါတယ်။ သူပြောတာက …

“ ဆင့်ကဲဖြစ်စဉ်တစ်ရပ်လုံးသည် ခိုင်မာညီညွတ်သေချာမှုရှိယုံတင်မကဘဲ အဆုံးမရှိထိန်းသိမ်းထားခြင်းနှင့် ထပ်ဆင့်ပြန့်ပွားခြင်းများကို ပြင်ပအခြေအနေတစ်ရပ်က ပြဌာန်းနခြေင်းဖြစ်ပေသည်။ ဤကဲ့သို့ အဆင့်မြင့်မားစွာဖြစ်ပေါ်နေသော ဖြစ်စဉ်တစ်ရပ်လုံးသည် သူ့အလိုအလျှောက် တိုက်ဆိုင်မှုကြောင့်ဖြစ်လာရသည် မဟုတ်ပါပေ။ ”

       ဒီသီအိုရီ (မတော်တဆဖြစ်ခြင်း) ရဲ့ ယုတ္တိမတန်ပုံကို အော်ပရင်းကပဲ သာမန်လူနားလည်နိုင်အောင် သင့်တော်တဲ့ နှိုင်းယှဉ်ချက် ဥပမာလေးနဲ့ ခုလိုရှင်းပြပါသေးတယ်။

“ အက္ခရာ နှစ်ဆယ့်ခြောက်လုံးပါတဲ့ စာပုံနှိပ်ဘလောက်တုံးလေးတွေကို ရှုပ်ထွေးရောမွှပြေီး ကျွနု်ပ်တို့သိနားလည်တဲ့ ကဗျာတစ်ပုဒ်အဖြစ် ကံကောင်းထောက်မပြီး ပုံနှိပ်ထွက်လာအောင် မျှော်လင့်သလိုဖြစ်နေပါတယ်။ တကယ်တော့ အသိဉာဏ်ရှိပြီး သေချာစီစဉ်ထားတဲ့ အက္ခရာစကားလုံးတွေကသာ ကဗျာတစ်ပုဒ်ကို သီကုံးနိုင်လိမ့်မယ်ဆိုတာ ရှင်းလင်းပါတယ်။ ”

 လူ့ခန္ဓာကိုယ်မှာ ဖွဲ့စည်းထားတဲ့ ဓာတုဗေဒဆိုင်ရာအရာဝတ္ထုတွေဟာ မြကြေီးထဲမှာ အနည်းနဲ့အများဆိုသလိုရှိနကြေတာကို ကျွနု်ပ်တို့သိပါတယ်။ ကျမ်းမြတ်ကိုရ်အာန်မှာ လူသားဖြတ်သန်းခဲ့ရတဲ့ များစွာသော အဆင့်တွေကို ဖော်ပြထားပါတယ်။ ဥပမာတစ်ချို့ကတော့ …

“အရှင်မြတ်သည် အသင်တို့အား အမျိုးမျိုးသောပုံသဏ္ဍန်နှင့် အခြေအနေအမျိုးမျိုးတို့ဖြင့် ဖန်ဆင်းခဲ့သည်။” (ကိုရ်အာန်ကျမ်းစာ - အခန်းကြီး ၇၁ အခန်းငယ် ၁၅ )

ထာဝရဘုရားရှင်မြတ်သည်ကား မိမိတစ်ပါးတည်းဖြင့် ပြည့်စုံတော်မှု၏။ အန္တကရုဏာတော်ရှင်လည်းဖြစ်တော်မူ၏။ အရှင်မြတ်အလိုတော်ရှိပါလျှင် အသင်တို့အားရုတ်သိမ်းတော်မူ၍ အသင်တို့အား အခြားမျိုးနွယ်များမှ ပေါက်ဖွားရှင်သန်စေခဲ့သကဲ့သို့ အခြားမျိုးနွယ်များမှသားသမီးအဆက်အနွယ်များကိုလည်း ပေါက်ဖွားရှင်သန်စပြေီး အောင်မြင်မှုပေးသနားတော်မူနိုင်ပေသည်။

(ကိုရ်အာန်ကျမ်းစာ - အခန်းကြီး ၆ အခန်းငယ် ၁၃၄ )

“ငါထာဝရဘုရားရှင်သည် အသင်တို့အား ဖန်ဆင်းတော်မူ၍ အသင်တို့အား ခွန်အားပေး၍ခိုင်မာစေခဲ့ပေသည်။ အရှင်မြတ်အလိုတော်ရှိပါလျှင် အသင့်တို့ကဲ့သို့ အခြားသူများဖြင့် အသင့်တို့ကို အစားထိုးနိုင်တော်မူ၏။”

 (ကိုရ်အာန်ကျမ်းစာ - အခန်းကြီး ၇၆ အခန်းငယ် ၂၉ )

 ကိုရ်အာန်ကျမ်းစာက လူသားဟာ အခုလိုအဆင့်တွေကိုဖြတ်သန်းခဲ့ရတယ်ဆိုတာကိုလက်ခံပါတယ်။ ဒါပေမယ့် ကံအားလျှော်စွာ မတော်တဆဖြစ်ပျက်မှုဆိုတဲ့အစား ကြိုတင်ရည်ရွယ်ထားတဲ့ ဆင့်ကဲပြောင်းလဲမှုအဖြစ် ဖော်ပြပါတယ်။ ဥပမာတစ်ခုအနေနဲ့ ထာဝရဘုရားရှင် ကိုရ်အာန်ကျမ်းစာထဲမှာ ဖော်ပြထားတာက လူသားဟာ သူ့ရဲ့ဖွံဖြိုးတိုးတက်မှုအတွက် အဆင့်တစ်ခုကိုဖြတ်သန်းရပါတယ်။ အဲ့ဒါကတော့ အသံမြည်တဲ့ ရွှံ့ပုတ်ခြောက်အဆင့်ဖြစ်ပြီး D.N.A ဖြတ်သန်းရတဲ့ အဆင့်ကလည်း အဲ့ဒီတိကျတဲ့အဆင့်ပဲဖြစ်နေပါတယ်။ D.N.A ဟာ စိုစွတ်မှုကို နေရောင်အောက်မှာ ခြောက်သွေ့စေရပြီး အဲ့ဒီအဆင့်မှာပဲ စိုစွတ်တဲ့ ရေဘက်ကိုပြန်လည်ရောက်ရှိစေရပါမယ်။ စက္ကန့်ပိုင်းလေး လျော့နည်းသွားတာ ဒါမှမဟုတ် ပိုသွားပြီးကုန်းပေါ်မှာရှိနေမယ်ဆိုရင်တော့ ဒီဖြစ်စဉ်က ဘယ်တော့မှရပ်တန့်တော့မှာ မဟုတ်ပါဘူး။

      
             လူသားမျိုးစိတ်ဖွံ့ဖြိုးတိုးတက်မှုရဲ့များစွာသောအဆင့်တွေကို ကျောက်ဖြစ်ရုပ်ကြွင်းတွေက သက်သေအဖြစ်ဖော်ပြပါတယ်။ အစောဆုံးရှာဖွေတူးဖော်ရရှိခဲ့တဲ့ ကျောက်ဖြစ်ရုပ်ကြွင်းကို လူစီလို့သိကြပြီး လွန်ခဲ့တဲ့ နှစ်သန်းပေါင်း ၃.၅ သန်းခန့်ကတည်းက ဖြစ်နိုင်ပါတယ်။

 ရှေးအကျဆုံး လူတူမျိုးနွယ် (Hominids) တွေကို အော်စထရပ်လို ပီးသီးကပ်စ် (Australopithecus) လို့ခေါ်ပါတယ်။

 ပီသီကန်သရိုပိုင်းစ် (Pithecanthropines) ဒါမှမဟုတ် အာခန်သရိုပီးရန်းစ် (Archanthropians) တွေကတော့ ဒုတိယလူတူမျိုးနွယ်လှိုင်းပဲဖြစ်ပါတယ်။ သူတို့ဟာ လွန်ခဲ့တဲ့ နှစ်ပေါင်း ၅ သိန်းခန့်က ကမ္ဘာမှာနေထိုင်ခဲ့ကြတာဖြစ်ပြီး အကြမ်းဖျင်း နှစ်ပေါင်း ၃ သိန်းခွဲခန့်လောက်တည်ရှိခဲ့ကြပါတယ်။

 နီယန်ဒါသယ်လ် (Neanderthals) သို့မဟုတ် ပဲလီယန်သရိုးပီးယန်း (Paleanthropians) တွေကတော့ တတိယလူတူမျိုးနွယ်လှိုင်းဖြစ်ပြီး သူတို့ကတော့ လွန်ခဲ့တဲ့ နှစ်ပေါင်း ၁ သိန်းခန့်က ကမ္ဘာမှာနေထိုင်ခဲ့ကြတာဖြစ်ပြီး အကြမ်းဖျင်း နှစ်ပေါင်း ၆ သောင်းခန့်လောက်တည်ရှိခဲ့ကြပါတယ်။

 နောက်ဆုံးလူတူမျိုးနွယ်ကတော့ မျက်မှောက်ခေတ်လူသားရဲ့မျိုးနွယ် ဟိုမိုဆပီးယန်း (Homosapien) ဖြစ်ပြီး လွန်ခဲ့တဲ့ နှစ်ပေါင်း ၃ သောင်း ၅ ထောင်ခန့် ဒါမှမဟုတ် ၄ သောင်းခန့်ကတည်းက တည်ရှိခဲ့ကြပါတယ်။ 

 ကိုရ်အာန်ကျမ်းစာမှာ အလ္လာဟ်အရှင်မြတ်က လူသားမျိုးနွယ်တစ်ခုကို အခြားမျိုးနွယ်တစ်ခုနဲ့ ဘယ်လိုအစားထိုးခဲ့တယ်ဆိုတာ ဖော်ပြထားပါတယ်။ အဲ့ဒါနဲ့ဆက်စပ်တဲ့ မုက္ခပတ်တော်အချို့ကတော့ ….

 “ငါအရှင်မြတ်သည် အသင်တို့အား ရွံ့စေးမှဖန်ဆင်းတော်မူခဲ့၏။ ထို့ပြင်အသင်တို့အတွက် သတ်မှတ်ထားသော အချိန်ကာလတစ်ခုရှိပေ၏။ ထို့အပြင် အရှင်မြတ်နှင့်တွေ့ဆုံရန် သတ်မှတ်ထားသော နောက်ထပ် အချိန်ကာလတစ်ခုလည်း ရှိပေ၏။ သို့ပါလျှက် အသင်တို့ သံသယဝင်ကြ၏။” (ကိုရ်အာန်ကျမ်းစာ အခန်းကြီး ၆ အခန်းငယ် ၃)

ထိုမှတပါး စင်စင်ဧကန် ငါအရှင်မြတ်သည် လူသားကို ပုံသွင်းပြီးဖြစ်သော အသံမြည်သည့် ရွှံ့ပုတ်ခြောက်ဖြင့် ဖန်ဆင်းတော်မူခဲ့လေသည်။ (ကိုရ်အာန်ကျမ်းစာ အခန်းကြီး ၁၅ အခန်းငယ် ၂၇)

 

အောင်သန်းလွင် B.C.Sc (Hons)

Source: www.Understand-Islam.org

အင်္ဂလိပ်ဘာသာဆောင်းပါးမှ ဆီလျှော်အောင်ဘာသာပြန်ဖော်ပြသည်။