အကြမ်းဖက်လုပ်ရပ်တိုင်းသည် ဘာသာရေးအဝန်းအဝိုင်းမှမဟုတ် ဘာသာ သာသနာပြင်ပလုပ်ရပ်သာဖြစ်

မြန်မာနိုင်ငံမှာ ယနေ့ဖြစ်ပျက်နေတဲ့ ဘာသာရေးပဋိပက္ခတွေနဲ့ ပတ်သက်ပြီး အားလုံးငြိမ်းချမ်းစေမယ့် ဆောင်းပါးလေးတစ်ခု ရေးချင်နေတာကြာပါပြီ။ ဒါပေမယ့် ဘာသာရေးဟာ ထိလွယ်ရှလွယ်ဖြစ်လို့ ရေးတဲ့အခါမှာ ဗုဒ္ဓဘာသာကော၊ အစ္စလာမ်သာသနာဝင်တွေပါ မထိခိုက်စေဘဲ တစ်ဖက်နဲ့တစ်ဖက် အမြင်ကြည်လင်သွားစေမယ့် ရေးသားတဲ့ကိုယ့်ရှုထောင့် (Stand point) ကို ချိန်ဆနေတာကြောင့် အချိန်ယူနေမိတယ်။ ဒါပေမယ့် မိဘတွေက ဆရာ၊ဆရာမတွဖြေစ်နပြေီး ဗုဒ္ဓဘာသာတွေနဲ့ မွေးကတည်းကအတူနေထိုင်လာခဲ့တာ၊ အိမ်မှာလည်း စာအုပ်ဆိုင်လေးရှိတဲ့အပြင် အစ္စလာမ်ဘာသာဝင်ဖြစ်လင့်ကစား ဗုဒ္ဓဘာသာစာပေတွေ နှစ်နှစ်ခြိုက်ခြိုက် ဖတ်ရှုရင်းနှီးနေတာကြောင့် ဘယ်သူ့မှ မထိခိုက်ဘဲ ဘာသာဝင်နှစ်ဖက်အကြား ချစ်ကြည်စေမယ့် နည်းလမ်းတစ်ခုကို ရေးနိုင်မယ်လို့ ယုံကြည်နေတယ်။ တစ်ကယ်တော့ မြန်မာပြည်က အစ္စလာမ်ဘာသာဝင်အတော်များများဟာ အနည်းနဲ့အများဆိုသလို ဗုဒ္ဓဘာသာနဲ့ အထိအတွေ့ရှိကြပါတယ်။ ချစ်စရာကောင်းတဲ့ ဗမာ့ဓလေ့၊ မြန်မာ့အမူအရာတွေကို သူတို့ဆီမှာလည်း အလားတူတွေ့ရနိုင်ပါတယ်။ လူကြီးသူမတွေရှေ့မှာ ခေါင်းငုံသွားတတ်တာ၊ ကားပေါ်မှာ သက်ကြီးရွယ်အိုတွေ ရဟန်းသံဃာတွေဆို နေရာပေးတတ်တာ ကူညီဖေးမတတ်တာ၊ အိမ်ဆိုင်တွေမှာ အများအတွက် ရေချမ်းစင်လေးတွေထားတတ်တာ စသဖြင့်အမြောက်အများပါပဲ။

ခုတော့ နှစ်ပေါင်းများစွာ ညီအစ်ကို မောင်နှမတွေလိုနေလာကြတဲ့ ဘာသာဝင် နှစ်ဖက်ကြားမှာ အမုန်းတရားတွေနဲ့ ရန်စောင်မှုတွေကို နှစ်ဖက်စလုံးက ဘာသာရေးအမြင်ကျဉ်းအစွန်းရောက်သူတွေက သွပ်သွင်းဖို့ ကြိုးစားလာကြပါတယ်။မလိုသူတွေရဲ့ သွေးခွဲမှုတွေကြောင့်တစ်မျိုး ကမ္ဘာအရပ်ရပ်မှာ တွေ့မြင်နေရတဲ့ အစ္စလာမ့်ဘာသာရေးအစွန်းရောက်တွေရဲ့ အပြုအမူတွေကြောင့်တစ်ဖုံ မြန်မာပြည်ထဲက အစ္စလာမ်သာသနာဝင်တွေကိုလည်း အထင်အမြင်သေးခွဲခြားရှုံ့ချချင်သူတစ်ချို့ရှိလာခဲ့တယ်။ မွတ်စလင်တွေအပါအဝင် ဘာသာခြားတွေကို ခွဲခြားဆက်ဆံမှုတွေ ပြုလုပ်ခဲ့တာကြောင့်လည်း ပညာရေး၊ လူမှုရေးနယ်ပယ်တွေမှာ အစ္စလာမ်သာသနာဝင်တွေဟာ ဗုဒ္ဓဘာသာတွေနဲ့ယှဉ်ရင် နိမ့်ကျမှုတွေရှိလာခဲ့တယ်။ သူတို့ကို စနစ်တကျ ခွဲခြားနိမ့်ကျအောင်ပြုလုပ်ခံခဲ့ရတယ်။ တကယ်တော်ထက်တဲ့သူတွေကိုလည်း ရာထူးတိုးမပေးတဲ့ လုပ်ပိုင်ခွင့်တွေ ကန့်သတ်ထားတာမျိုးတွေဟာ ငြင်းမရအောင် ရှိခဲ့ပါတယ်။ ရန်ကုန်မှာ သင့်တင့်တဲ့ အစ္စလာမ်ဘာသာဝင်အရေအတွက်ရှိပေမယ့် ပေါက်ပေါက်မြောက်မြောက်လုပ်ပိုင်ခွင့်ရှိမယ့် ညွှန်ကြားရေးမှုး ဝန်ကြီး စတာမျိုး တစ်နေရာမှ မရတာဟာ အစ္စလာမ်လူထုအတွက် ပညာရေး၊ကျန်းမာရေး လူမှုရေးတို့မှာ သိသိသာသာ အကူအညီအစောင့်အရှောက်ကင်းမဲ့နေတော့တယ်။ ဒီလိုနဲ့ လွတ်လပ်ရေးတိုက်ပွဲဝင်ရာမှာ ပါဝင်ခဲ့တဲ့ ဆရာကြီး ဦးရာဇာတ်လို အစ္စလာမ်ဘာသာဝင် မွတ်စလင်တွေအမြောက်အများရှိပါလျှက်နဲ့ ခွဲခြားဆက်ဆံခံရနေရတဲ့ သူတို့စိတ်ထဲမှာလည်း အကျိတ်အခဲလေးတွေအချို့တော့ မလွဲမရှောင်သာရှိနေခဲ့ပါတယ်။ ဒါတွေကို အသုံးချပြီးတော့ တိုင်းပြည်တိုးတက်မှာကို မလိုလားတဲ့ အုပ်စုတွေအပါအဝင် နှစ်ဖက်လုံးက ဘာသာရေး လူမျိုးရေး အစွန်းရောက်တွေဟာ ပြဿနာတွေ တစ်ခုပြီး တစ်ခုရှာပြီး တိုင်းပြည်မငြိမ်မသက်ဖြစ်အောင်လုပ်ဖို့ အားထုတ်ကြပါတယ်။

ဘယ်လိုပဲပြောပြော နိုင်ငံတော်သမ္မတနဲ့ နိုဗယ် ငြိမ်းချမ်းရေးဆုရှင် ဒေါ်အောင်ဆန်းစုကြည်တို့ ပါဝင်တဲ့ အုပ်ချုပ်ရေးအဖွဲ့ဟာ စစ်မှန်ပြီး အေးချမ်းတည်ငြိမ်တဲ့ ဒီမိုကရေစီလမ်းစဉ်ဘက်ကို ကြိုးစားပြီး ဖြည်းဖြည်းချင်းသွားနကြေပါတယ်။ ဒီလိုအချိန်မှာ ကျွန်တော်တို့ ပြည်သူပြည်သားတွဖြေစ်တဲ့ နှစ်ပေါင်းများစွာ အေးအတူပူအမျှ မြန်မာနိုင်ငံတော်ကြီးမှာ မှီတင်းနေထိုင်လာကြတဲ့ ဗုဒ္ဓဘာသာ အစ္စလာမ်ဘာသာဝင်အပြင် အခြား ခရိယာန်၊ ဟိန္ဒူ စသဖြင့်တို့ဟာ စိတ်ဝမ်းမကွဲကြပဲ အချင်းချင်းညီညီညွတ်ညွတ်နဲ့ ဒီလုပ်ငန်းစဉ်တွေမှာ ငြိမ်းငြိမ်းချမ်းချမ်း ပူးပေါင်းပါဝင်ကြဖို့ လိုအပ်ပါတယ်။

ယခုဖြစ်ပျက်နေတဲ့ ဘာသာရေးပဋိပက္ခတွေမှာ ဝေဖန်ထောက်ပြကြတဲ့ တစ်ဖက်နဲ့ တစ်ဖက်က ဘာသာဝင်တွေဟာ အပြစ်ပြောတဲ့အခါ ရှုံ့ချကြတဲ့အခါမှာ သတိထားရမယ့် အရေးကြီးတဲ့ အချက်တစ်ခုကို ပြောပြချင်ပါတယ်။ အဲ့ဒါကတော့ ဘာသာရေး သို့မဟုတ် မိမိကိုးကွယ်တဲ့ ဘာသာကို လူတိုင်း ဘာသာဝင်တိုင်းက အမြတ်တနိုးနဲ့ တန်ဖိုးထားကြတာဖြစ်တာကြောင့် အဲ့ဒီဘာသာကို မပုတ်ခတ်မိအောင် သတိထားကြဖို့ပါပဲ။ အခုအချိန်မှာ အချို့သူများဟာ ဘာသာရေးအစွန်းရောက်တွေကိုအပြစ်မပြောဘဲ ဗုဒ္ဓ၊ မိုဟမ္မဒ် စသဖြင့် အပြန်အလှန်ပုတ်ခတ်နကြေတာမျိုး ဘာသာသာသနာကို ပုတ်ခတ်နကြေတာမျိုးတွေက ပိုများနေတာကြောင့် ဒီပြဿနာတွေဟာ မဆုံးနိုင်ဖြစ်နေတယ်လို့ သတိထားမိတယ်။

မိထ္ထိလာအရေးအခင်းမဖြစ်ခင် လွန်ကျူးတဲ့အဖြစ်အပျက်ကို လုပ်ဆောင်တဲ့ မွတ်စလင်ဆိုသူတွေဟာလည်း အစွန်းရောက်ဉာဏ်နည်းသူတွဖြေစ်ပြီး မိထ္ထိလာ အရေးအခင်းထဲမှာ လူတွေကို သတ်ဖြတ်ကြတဲ့ အနည်းငယ်သောရဟန်းတော်တွေအပါအဝင် အမည်ခံဗုဒ္ဓဘာသာဝင်အချို့ဟာလည်း မျက်ကန်းအစွန်းရောက်တွေသာဖြစ်တယ်ဆိုတာ ဗုဒ္ဓဘာသာကော အစ္စလာမ်ဘာသာဝင်တွေပါ သတိမှုကြစေချင်ပါတယ်။ ဒီနှစ်ဖက်စလုံးကလူတွေဟာ အစ္စလာမ်ဘာသာကို ကိုယ်စားမပြုသလို ဗုဒ္ဓဘာသာကိုလည်း ကိုယ်စားမပြုပါဘူး။ စစ်မှန်တဲ့ ဗုဒ္ဓဘာသာဟာ ဒီလိုအကြမ်းဖက်မှုတွေကို မသွန်သင်သလို အစ္စလာမ်ဘာသာဝင်တစ်ယောက်အနေနဲ့ ကျွန်တော်ပြောချင်တာက အစ္စလာမ်ဘာသာမှာလည်း အလားတူ အကြမ်းဖက်လုပ်ရပ်တွေကို ရှုံ့ချပါတယ်။ အားမပေးပါဘူး။ ဒါပေမယ့် တစ်ဆက်တည်း မဖြစ်မနေဝန်ခံရမှာ တစ်ခုက ကမ္ဘာနဲ့အဝှမ်းမှာ မြင်တွေ့နကြေရတဲ့ အမည်ခံ အစ္စလာမ်ဘာသာဝင်တွေရဲ့ အကြမ်းဖက်လုပ်ရပ်တွေပဲဖြစ်ပါတယ်။ တကယ်တော့ ဒါတွေဟာ အထူးသဖြင့် ပညာနည်းတဲ့ မွတ်စလင်တွေကို ဘာသာရေးအစွန်းရောက် အစ္စလာမ့်တရားဟောဆရာတွေက (brain wash) လုပ် ရိုက်သွင်းပေးထားတာတွေကြောင့်ဖြစ်ပြီး ဒီသဘောတရားရိုက်သွင်းခံရတဲ့သူတွေဟာ အကန်းတွေလိုဖြစ်ပြီး မစဉ်းစားမဆင်ခြင်ဘဲ လိုက်လုပ်ကြတာ (blindly follow) ပဲဖြစ်ပါတယ်။ ဒီအပြုအမူတွေကို ရပ်တံ့အောင်ငြိမ်းချမ်းတဲ့ မွတ်စလင်တွေဟာလည်း မနေမနားကမ္ဘာနဲ့အဝှမ်းမှာ ကြိုးစားအားထုတ်နကြေပါတယ်။ စစ်မှန်တဲ့ အစ္စလာမ်သာသနာမှာဒီလိုအကြမ်းဖက်မှုလုံးဝမရှိပါဘူး။ သာသနာရေးတွင် အတင်းအဓမ္မမှုမရှိ။ ဟု (ကိုရ်အာန်ကျမ်း အခန်းကြီး ၂၊ အခန်းငယ် ၂၅၇) မှာမိန့်ကြားထားပါတယ်။ ဒါ့ကြောင့် ဒီလိုအကြမ်းဖက်မှုတွေ ရပ်တံ့စေဖို့ အခြားဘာသာဝင်တွဖြေစ်တဲ့ ဗုဒ္ဓဘာသာဝင်တွေဟာလည်း ပူးပေါင်းပါဝင်ကြစေလိုပါတယ်။ အစ္စလာမ်ဘာသာဝင်တွေဖက်ကလည်း လူနည်းစုရဲ့ မှားယွင်းတဲ့အပြုအမူကိုကြည့်ပြီး ဗုဒ္ဓဘာသာကို မပုတ်ခတ်ကြရသလို ဗုဒ္ဓဘာသာကို ငြိမ်းချမ်းတဲ့ ဘာသာအဖြစ်သဘောထားသလို အပြန်အလှန်အားဖြင့် အစ္စလာမ်သာသနာကိုလည်း ငြိမ်းချမ်းတဲ့ဘာသာအဖြစ်သဘောထားပြီး ဘာသာရေးအစွန်းရောက်တွေရဲ့ မှားယွင်းတဲ့ လုပ်ရပ် အပြုအမူတွေကို ဘာသာ သာသနာပြင်ပက အပြုအမူတွေအဖြစ်နဲ့ အစ္စလာမ်၊ ဗုဒ္ဓဘာသာ စတဲ့ ဘာသာရေးအဝန်းအဝိုင်းထဲကနေ ဆွဲထုတ်ပစ်ကြရမှာဖြစ်ပါတယ်။ ဒီလိုဆိုရင် အစွန်းရောက် အကြမ်းဖက်မှုတွေဟာ ဘာသာရေးရဲ့ ပြင်ပကိုရောက်ရှိသွားပြီး အင်အားချိနဲ့သွားမှာဖြစ်ပါတယ်။ တကယ်လို့ သူတို့ကို အစ္စလာမ်ဘာသာအတွင်းက သို့မဟုတ် ဗုဒ္ဓဘာသာအတွင်းက သဘောထားနကြေမယ်ဆိုရင် သူတို့ဟာ ဘာသာရေးကို တွယ်ကပ်ပြီး အားကောင်းသထက်ကောင်းလာမှာဖြစ်ပါတယ်။ ဒီတော့ ကျွန်တော်တို့ဟာ ဗုဒ္ဓဘာသာထဲက အစွန်းရောက်တွေ၊ အစ္စလာမ်ဘာသာထဲက အစွန်းရောက်တွေကို ပူးပေါင်းပြီး ဝိုင်းဝန်းဖယ်ထုတ်ကြပါစို့။

Facebook ပေါ်မှာလည်း အလားတူ အကြမ်းဖက်မှုတွေ၊ နားမလည်မှုတွေ ကို ဖယ်ရှားဖို့အတွက် သတင်းအချက်အလက် Like လုပ်တဲ့ နေရာမှာဖြစ်စေ၊ ဝေမျှ Share လုပ်ကြတဲ့အခါဖြစ်စေ ဘာသာတရားတစ်ခုနဲ့ ပတ်သတ်ပြီး အကြမ်းဖက်မှုကိုသာ ဝေဖန်ထောက်ပြထားတာမဟုတ်ဘဲ အစ္စလာမ်ဘာသာတစ်ခုလုံးဟာ အကြမ်းဖက်သာသနာ၊ ဗုဒ္ဓဘာသာတစ်ခုလုံးဟာ မှားယွင်းတဲ့သာသနာ စသဖြင့် အကျိုးမရှိ အပုတ်ချရေးသားထားတဲ့ Post တွေကို share မလုပ်ကြစေချင်ပါဘူး။ အကြမ်းဖက်မှုကို ဘာသာရေးမခွဲခြားဘဲ ဝေဖန်ထားတဲ့ Post မျိုးသာလျှင် ရေးသားကြဖို့နဲ့ အဲ့ဒါမျိုးကိုသာ ဝေမျှကြဖို့ တိုက်တွန်းလိုပါတယ်။ တစ်ချို့ Post တွေကျတော့ လူတိုင်းသဘောကျစေမယ့် အချက်အချို့နဲ့ တန်ဆာဆင်ထားပြီး လိုရင်းက မုန်းတီးမှုကို ဦးတည်စေတာဆိုရင်လည်း အဲ့ဒီလို Post မျိုးကို သတိမူကြပါ။

ကျွန်တော်တို့အားလုံးချစ်တဲ့ မြန်မာပြည်ကြီးတိုးတက်ပါစေ။ ဘာသာလူမျိုးမရွေး တန်းတူညီမျှ ချစ်ကြည်ရင်းနှီးစွာနေထိုင်နိုင်တဲ့ အေးချမ်းတဲ့ နိုင်ငံတကာက လေးစားရတဲ့ တိုင်းပြည်ကြီးဖြစ်လာဖို့ ဝိုင်းဝန်းကြိုးပမ်းကြပါစို့။ ဖတ်ရှုဝေမျှပေးသူအားလုံးကို ကျေးဇူးတင်ပါတယ်။အားလုံးငြိမ်းအေးကြပါစေ။

ေအာင္သန္းလြင္